Pagadian City – Nakadawat na og mga bakuna ang duha ka dagkong military units sa Zamboanga Peninsula nga niabot og 1,200 doses nga Sinovac vaccines gikan sa General Headquarters sa Armed Forces of the Philippines (AFP).
Ang 11th Infantry Division (ID) nakadawat og 600 doses, samtang ang 1st Infantry Division (ID) nahatagan usab og 600 doses, nga pulos gibyahe gamit ang military aircraft.
Si First Lieutenant John Robert Golfo, nurse sa Camp Teofulfo Bautista Station Hospital, maoy nidawat sa first batch sa bakuna niadtong Domingo alas 10:45 didto sa airport of Jolo, Sulu.
Si Major General William Gonzales, 11ID commander, maoy nitagbo sa first batch sa bakuna nga gigahin alang sa mga healthcare workers sa Camp Teodulfo Bautista Station Hospital nga maoy mga nagkumabate sa Covid-19 pandemic.
Samtang si Major General Generoso Ponio, 1ID commander, miingon nga gisakay sa military plane ang 600 doses, sa Sinovac vaccines, nga niatugopa alas 12:30 niadtong Domingo sa airport sa Pagadian City.
Sumala ni Ponio nga ang healthcare workers sa 1ID Station Hospital maoy unahon sa pagbakuna ug isunod ang ang mga personahe sa Camp Major Cesar Sang-an nga nakaplastar sa 1ID headquarters sa Pulacan, Labangan, Zamboanga del Sur.
