Davao City- Mireklamo sa Tugbok PNP ang duha ka dalaga kay ginahuong sa duha ka lalakeng hubog samtang nanglaba sa Barangay Mintal Davao City.
Nagpatabang sa Tugbok PNP si alyas Faye, 24 anyos, ug si alyas Claire, 17 anyos, pulos nagpuyo sa Purok 1 Lerio St. Barangay Mintal tungod kay ilang namatikdan nga adunay duha ka lalakeng hubog nga nagsigeng ukoy-ukoy alas kwatro y media sa kahapunon.
Wala daw sila magtuo nga dunay laing tawo sa maong dapit mao nga medyo sexy ang ilang suot niadtong tungura kay human sa ilang pagpanglaba isunod dayon nila ang pagkaligo.
Wala damha sa duha ka dalaga nga nagsige na diay ug huong huong si alyas Losiboy, 27 anyos ug alyas Reden, 30 anyos residente gihapon sa maong dapit nga dunay bitbit nga kabilyang puthaw.
Labihan ang kabalaka sa duha kay klarong hubog ang duha ka lalake sa dihang namatikdan sa duha ka dalaga.
Gitambagan sa mga pulis ang duha nga idangop ang ilang reklamo sa Barangay Mintal aron mahatagan kinig aksyon sa ilang kapitan.
Kasamang Erin Lumosbog
