Duha ka dinakpan sa Tantangan PNP batok Droga kanhi nang may mga kaso sa illegal drugs

Tantangan, South Cotabato–Gikumpirma ni Police Captain Romeo Albano Jr, ang hepe sa Tantangan Municipal Police Station nga pormal na nilang napasakaan ug kasong kalapasan sa sec.5,11 ug 12 sa RA 9165 ang duha ka suspetsado nga silang Fernando Toledo, 43 anyos, minyo, foreman, residente sa Brgy.Labangal Gensan ug si Rosemarie Catalan, 33 anyos, nanimuyo sa Kabacan, North Cotabato kansa nasikop sa buybust operation sa hiniusang puwersa sa Tantangan PNP, South Cotabato Provincial Drug Enforcement Unit ug PDEA 12.

Sumala pa ni Albano nga malampuson nilang nasikop ang duha nila ka target nga suspek sa Prk 3A, Brgy.Dumadalig, Tantangan, Sot. Cot. niadtong adlaw nga Sabado pasado ala 1:00 sa hapon human nga nakuhaan ug daghang pakete sa gituohang shabu, kwarta, usa ka motorsiklo ingon man mga drug paraphernalia’s.

Gipaklaro usab sa opisyal nga ang mga nasampit nadakpan na kini sa ilang mga lugar ug mibalik sa pagpakiglambigit sa illegal nga droga sa area sa Tantangan gani sumala pa niini nga ang suspek nga babaye under provision pa kini samtang ang lalaki human na niini nasilbihan ang iyang sentensiya sa susamang kaso sa ilegal nga droga.

Sa kasamtangan nagtingkagol sa selda sa Tantangan PNP ang duha ka dinakpan