Nasugdan kini sa pagkadisgrasya sa usa ka pickup sa may dalang Kilometer 67, Brgy. Tuboran, Mawab, Davao de Oro alas 2:33 sa hapon kagahapon.
Sa interview sa DXDC RMN Davao kang Ruel Helicame, Mawab MDRRMO Head, nasayrang nawad-an kini og kontrol ug mibangga sa usa ka center island ug nibalintong.
Dugang pa ni Helicame nga makig-coordinate pa sila sa Department of Public Works and Highways (DPWH) kung unsay aksyon nga himuon sanglit natipak ang bahin sa center island tungod sa impact.
Gani, laing disgrasya sab ang nahitabo sa may dalang Km. 94, Brgy. Magsaysay, Nabunturan, sa nasangpit nga probinsiya diin nagupok ang atubangang bahin sa duha ka pick up human kini nagsugat kagahapon.
Sa facebook post sa usa ka netizen, makitang lagyo ang distansya sa duha ka sakyanan tungod sa kakusog sa impact.
Hinuon, minor injuries lang ang nahi-agom sa tanang mga nalambigit sa maong insidente sa Mawab ingon man Nabunturan ug dali kining gipangtabang sa mga otoridad aron mahatagan og medikal nga atensyon.
RadyoMaN Leo Battulayan
