Davao City – Arestado sa Talomo PNP ang duha ka mga habal-habal driver nga sila si Adrian Paul Loyzaga Jacot, 23 anyos, ug si Joshua Arenas Albufera, 21 anyos, pulos mga residente sa Catalunan Grande ning siyudad.
Base sa report, bandang alas-11:00 sa gabii sa may Monte Maria Avenido Soriano St. sa nahisgutan nga barangay atol sa pagpatrolya sa kapolisan, nabantayan ang duruha nga daw naga-tobacco apan nasimhutan ang baho nga gisindihang dahon sa marijuana hinungdan nga gisita kini gani nakuhaan og usa ka pakete nga dunay sulod nga pinaugang dahon sa marijuana.
Na rekober usab sa mga suspek ang usa ka cellphone ingon man ang motorsiklo nga gamit sa mga suspek nga anaa karon sa Talomo PNP.
Sa kasamtangan gisuginlan ang mga dinakpan sa mga salaud nga nahimo ug gina-andam na ang kaso nga ipasaka batok sa mga suspetsado.
RadyoMaN Paul Canono
