Davao City- Nadakpan sa kapulisan sa Sta. Ana PNP ang duha ka driver human nakuhaan og shabu alas 2:30 sa hapon atol sa gilusad nga buy bust operation sa Sasa ning dakbayan.
Ang duha ka suspect naila nga sila si Bryan Saldivia, 30 anyos nga residente sa Purok 3-A Tibungco, Davao City, ug Ritzhel Apugan, 36 anyos nga nagpuyo sa nasampit nga lugar.
Narecover sa kapulisan gikan sa posisyon sa duha ka dinakpan ang tulo ka square heat sealed transparent plastic sachet nga gituohang shabu apil ang 500 ka pesos nga buy bust money ug usa ka Suzuki motorcycle nga gigamit sa mga suspek sa ilang transaksyon.
Ang duha ka dinakpan balhug na selda sa Sta. Ana PNP ug gihikay na sa kapulisan ang kasong kalapasan sa Republic Act 9165 kun Comprehensive Dangerous Drugs Act of 2002.
RadyoMan Don Pulayao
