GENERAL SANTOS CITY- Patay ang duha ka drayber nga taga-Sarangani Province human malambigit sa disgrasya sa National Highway atubangan sa Agan South Villas Subdivision, Barangay Lagao human sa kalag-kalag tungang gabie sa Dominggo.
Base sa imbestigasyon sa Traffic Management Unit gipangunahan ni Police Staff Sergeant Lemuel Aves, giila ang mga biktima nga silang Junjie Herrada Maude, 38-anyos, minyo nga taga Poblacion Malungon, Sarangani Province ug si Niel Angelo Isada, 16-anyos nga taga Maribulan Alabel, Sarangani Province.
Dugang sa imbestigasyon ni PSSgt. Aves nagkasugat sa national highway ang duha sakay sa ilang tagsa ka motorsiklo apan sa dihang mikabig sa lane si Isada nagkabangga ang duha.
Nadala sa Dr. Jorge P. Royeca Hospital ang duha ka biktima apan gideklara ni Dr. Santa Rodriguez nga dead on arrival.
Ang motor ni Maude usa ka Honda XR 150 samtang kay Isada, usa ka Yamaha Sniper 150.
For more info’s and updates, like and share our official facebook account : www.facebook.com/ifm91.9Gensanofficial/
[image: disgrasya sa Gensan.jpg]
