BACOLOD CITY – Duha ka mga soltero ang nadakpan sa ginpatigayon nga buybust operation sa Purok Paghidaet, Brgy. Mansilingan, Bacolod City may mga las 2:50 kaina sang kaagahon.
Nakilala ang mga suspek nga amo sanday Bon Jovi Umbao, 25 anyos, isa ka high value target kag surrenderee, pumuluyo sang amo nga lugar kag si Rommel Laurilla, 27 anyos, kag yara man sa drug watchlist.
Ang buybust ginpatigayon sang Intelligence Group sang Police Station 7 kag nakuha sa possession sang mga suspek ang 3 ka elongated sachet sang suspected shabu, 500 pesos nga marked money, drug paraphernalia kag isa ka motorsiklo.
Ginabulubanta nga nagdangat sa kapin 6 mil pesos ang street value sang suspected shabu nga narecover halin sa mga suspect.
Ini sila ang detained na karon sa custodial facility sang Police Station 7.
