Davao City – Napasakahan na og kaso sa mga kapolisan sa San Pedro ngadto sa city Hall of Justice Prosecutor Office ang duha ka mga drug pusher sa kasong kalapasan sa akta republika 9165 Comprehensive Dangerous Drugs Act of 2002.
Ang mga tigpayuhot og illegal nga droga mao sila si Juvy Totu , 39 anyos ug usa ka Merlyn Cobillas, 39 anyos, dalaga nga parehong nagpuyo sa Purok 2 Barangay 76-A Bucana siyudad sa Davao.
Kahinumdoman kining duha ka drug personalities nadakpan sa kapolisan pinaagi sa gilusad nga buy bust operation alas 7:30 sa kagabhion niadtong milabayng adlaw.
Narekober sa mga dinakpan ang ang duha ka rectangular transparent plastic heat sealed sachet nga shabu nga adunay estimated street value 2,500.00 ug ug siyam ka empty elongated transparent plastic sachet nga shabu lakip na ang usa cellphone nga maoy gigamit sa iligal nga transaksyon.
RadyoMaN Don Pulayao
