Duha ka drug personalities ang nasikop sa kapulisan sa Misamis Oriental atol sa gihimong drug buy bust operation kagahapong adlawa.
Unang nasikop mga alas 11 sa buntag sa Purok 4, Barangay 22-A, Gingoog City ang 24 anyos nga si Jestoni Brodith Salarda nga taga Saa, Villegas Street, Barangay 26 sa maong syudad.
Nakuha gikan kang Salarda ang usa ka sachet sa gituohang shabu isip buy bust item ug one th0usand pesos nga buy bust m0ney.
Samtang alas 2:15 kagahapon sa hapon gisikop sa kapulisan sa El Salvador City Police Station ang drug pusher sa Zone 1, Barangay Ulaliman.
Ang suspek mao ang 41 anyos nga si Romeo Castillo, minyo ug taga Zone 6, Barangay Amoros, El Salvador City.
Nakuha gikan kang Castillo ang pito ka sachet sa gituohang shabu, duha ka aluminum foil, 500 pesos nga buy bust money ug motorsiklo.
Kasong paglapas sa Republic Act 9165 o Comprehensive Dangerous Drugs Act of 2002 ang atubangon sa duha ka suspek.
