Duha ka drug personality, nadakpan sa buy bust operation sa Barangay Cagay!

65

Roxas City, Capiz – Arestado ang duha ka mga persona sa ginkasa nga buy bust operation pasado alas otso sang aga sa Barangay Cagay syudad sang Roxas.
Ginkilala ang mga subject nga sanday Rudini Arabacan y Ame, 36-anyos kag Rocky Rizon y Custodio, 27- anyos nga pareho residente sang nasambitan nga barangay.
Natigayon nga marekober sa mga ini ang 11 tanan ka sachet sang suspected shabu, 2,000 pesos nga buy bust money, isa ka unit sang cellphone kag mga drug paraphernalias.
Ang nasambitan nga operasyon ang ginkasa sa bulig sang gintingub nga pwersa sang PDEA- Capiz Provincial Office kag Station Drug Enforcement Agency sang Roxas City PNP.
Ang amo nga mga persona ang pasakaan sang kaso nga paglapas sa R.A 9165 ukon Comprehensive Dangerous Drugs Act of 2002.

Facebook Comments