Duha ka estudyante dakpan sa buy bust operation

Pagadian City – Imbes eskwelahan padul-ngan , sa prisohan na nakatulog ang duha ka studyente sa kolihiyo human kining nadakpan sa gilusad nga buy-bust operation sa Lica Pisonet and Boarding House, nga nakabase sa Purok Tugas, Barangay Balangasan, Pagadian alas 10;20 kagahapon.
Giila ang mga nadakpan sa maong operasyon nga sila si Ariel Salenga Tulabing, 24 anyos , (3rd Year College), residente sa Minsulao, Siay, Zamboanga Sibugay og temporaryo nga nag-abang sa Lica Pisonet and Boarding House, lakip nga nadakpan si Louie Pacquing Alfanta, 20-anyos (3rd year college) , lumulupyo sa Zone 6, Barangay Tiguma, Pagadian City.
Nakuha gikan sa ilang posisyon ang unom ka pakite sa gitoohang “shabu”, P500 pesos nga mark money ug mga drug pharaphernalia.
Gikustodiya karon sa Pagadian City Police Station ang mga dinakpan og gikatakdang kasohan sa paglapas sa akta Republika 9165 o Comprehensive Dangerous Drugs Act of 2002.