Nagbunggu-anay ang duha ka mga fire truck nga nagresponder sa sunog kagab-i sa Dela rama City Proper kagab-i
Binungguan sang firetruck sang Federation fire brigade ang fire truck sang Jaro fire station sa ginsang-an sang dalan Delgado-yulo City proper malapit sa Amigo Terrace Hotel.
Bangud sini, wasak ang ulo nga bahin sang fire truck sang Jaro BFP matapos dusduson sang fire truck sang Federation fire brigade kag nagbunggo sa poste.
Nagresulta man ini sa pagkapilas sang apat ka crew sang Jaro BFP nga sanday FO1 Jomel Pedro Sulano, driver sang fire truck; team leader nga si FO3 Divinagracia, kag crew nga sanday FO3 Frankie Octavio kag FO3 Wendell Barrientos.
Ginpangdala ang mga ini sa pinakamalapit nga ospital bangud sa mga kapilasan nga ila naagum.
Samtang ginpahayag nga may isa man ka crew sang Federation ang napilasan kag gindala man sa ospital.
