Davao City – Pareho nadala sa Southern Philippines Medical Center ang duha ka ginang human nabanggaan sa wala matino nga matang sa behikulo nga nahitabo sa atbang sa Davao International Airport sa Catitipan, Davao City bandang 2:40 sa kadlawon.
Ang duha ka ginang nga giilang sila Aileen Versazno, 52 anyos, ug si Elida Pajaron, 50 anyos, ug pulos nagpuyo sa Catalunan Grande nakahiagom og injury sa agtang nga bahin ug pangos sa pipila ka parte sa lawas tungod sa impact sa pagkabunggno kanila sa sakyanan.
Giingon nga mupa-uli na unta ang duha dihang dunay naghaguros nga sakyanan paingon kanila ug midiritso og bangga kanila.
Human sa disgrasya wala gayod muhunong ang driver sa bihikulo inay nagpaturatoy pa kini padagan ug gipasagdan ang mga biktima nga nasamdan na.
Hinoon daling gidala sa SPMC ang duha ug gilayon gitambalan ang ilang mga samad ug bun-og nga nahiagoman.
RadyoMaN Joel Viray
Facebook Comments
