Davao City – Patay ang magsuon kinsa giingong misukol atol sa gilusad nga search warrant sa hiniusang pwersa sa mga awtoridad alas 11:20 kagabii nahitabo sa Brgy. Aplaya, Hagonoy, Davao del Sur.
Napatay sila si Norhan Delangalen Sinapan, hingkod ang edad, residente sa nasangpit nga lugar, ug iyang igsoon nga si Norton Delangalen Sinapan, hingkod ang edad, residente sa Purok 6 Lapulabao, Hagonoy, Davao del Sur, kinsa leader sa Dawlah Islamiya, usa ka grupo nga kaabin sa teroristang ISIS.
Sa pakighinabi sa DXDC News Team kang PO3 Rommel Doloso, investigator sa Hagonoy Municipal Police Station, gisaysay niini nga nakabati matud pa ang mga suspek nga gipalibutan na kini sa mga otoridad busa nagpabuto kini og una ug nakigbinayloay og bala nga miresulta sa ilang pagka-neutralisa.
Narekober gikan sa mga suspect ang usa ka unit sa .45 kalibre sa pistola, mga bala, ug usa ka flag sa ISIS.
Dugang ni PO3 Doloso nga kapin usa ka bulan sab gimonitor ang magasuon may kalabutan sa paglapas sa R.A. 10591 kun Comprehensive Firearms and Ammunition Regulation Act.
RadyoMaN Jason Amisola
