Davao City – Duha ka grassfire ang natala sa Bureau of Fire Protection kun BFP Davao kagahapong adlawa, adlawng Martes.
Kini ang gibutyag sa personahe sa Talomo Police Station atol sa interview sa DXDC RMN Davao diin nahitabo ang maong mga sunog sa bypass road sa Bangkal ala una sa hapon lakip na sa Dumoy ning dakbayan.
Sumala pa nga hinungdan sa maong mga insidente mao ang pagdaob sa kasagbutan nga miresulta sa pagdako sa kalayo mao ng nanawag na ang mga residente og bombero.
Hinuon daling napalong sa kabomberohan ang kalayo ug matud pa walay natalang damyos nga kabalayan ug walay napagan nga mga tawo sa maong mga sunog.
Subay sa fire prevention month, padayong awhag sa BFP ngadto sa katawhan nga kanunay magmaigmaton ug sundon ang mga fire safety ug bantayan ang mga bata nga dili magdula og kalayo aron malayo sa peligro.
Sa pikas bahin, nabutanganog kahayag ang lugar sa may bypass road Bangkal tungod sa mga suga nga gipangmontar sa mga poste.
Pipila na usab kini ka bulan nga ngit-ngit kaayo ang lugar sukad kini maabli ngadto sa mga sakyanan gikan sa kanto Keith Williams ngadto nasa kanto Bangkal padulong diversion ning syudad.
RadyoMaN Renz Barbarona/Paul Canono
