Duha ka grupo sang riding in tandem amu ang nagpatay kay Kap Junjun

BACOLOD CITY – Padayon pa ang imbestigasyon sang mga kapulisan sa Police Station 1 kon anu ang motibo kag sin- o ang mga suspetsado nga nagluthang patay kagab-i kay Punong Barangay Nelson ‘Junjun’ Ligaya, Jr. sang Barangay 16.

Dead on arrival sa Bacolod Adventist Medical Center ang kapitan matapos ini nga ginluthang sang apat ka mga suspetsado nga nakahelmet kag nakabonnet, sakay sa duha ka mga motorsiklo.

Si Ligaya ang naga-inom inom upod sang iya mga abyan sa nasambit nga barangay sang natabo ang pagpangluthang.


Patal nga igo sang bala sa iya nga kilid nga nalab-ot sa iya korason nga gintunaan sang iya kamatayon.

Sang tinalikdan nga pagtambong ni Presidente Rodrigo Duterte sa Masskara Festival sadtong Oktubre, may gintumod ini nga isa ka Barangay Kapitan sa syudad sang Bacolod nga imbolbado sa illegal drugs.

Ginapalayas niya ini sa syudad padulong sa Spratly.

Samtang, ginkakibot naman sang pila ka mga barangay kapitan sa Bacolod ang natabu kay Barangay Kapitan Ligaya nga apesar may madamo nga mga drug personalities ini nga napasungka sa ila barangay sa gihapon ginpatay ini.

Facebook Comments