Davao City- Duha ka guwardya ang gipangsikop sa kapulisan ug gi-endusar sa buhatan sa Sta. Ana PNP human nangilad gamit ang mga peke nga kwarta alas 4:00 sa hapon natigayon sa G-mall ning dakbayan.
Ang mga dinakpan gipang-ila sa pangalan mao sila si Jerome Bagalamon Doring (30 anyos) ug lain pang usa ka Renan Lumactod (27 anyos), pareho nagpuyo sa Belesario Agdao ning dakbayan.
Matud pa, samtang nagbayad kining duha ka suspek gamit ang five hundred ka pesos, nadiskobrehan nga peke ang maong kwarta daling nagpakitabang ang kahera sa maong mall hinungdan gipang-aresto ang duha ka suspetsado.
Narekober sa kapulisan gikan sa posisyon sa dinakpan ang lain pang duha ka tag five hundred ka pesos nga pekeng kwarta.
Ang duha ka dinakpan temporaryong gikustodya sa Sta. Ana PNP ug mo-atubang sa kasong pagpangilad.
RadyoMan Don Pulayao
