Ang elemento sa Zamboanga Sibugay drugs enforcement unit ug ang kapulisan sa Ipil nagpahigayon ug buy bust operation didto sa Purok Luz, Ipil Heights, Ipil, Zamboanga Sibugay.
Miresulta kini sa pagka sikop sa duha ka high value target nga nailang sila si Michael Acuba ug Sylvester John C. Bicoy nakumpiska sa ilang posisyon ang salaping cash nga mo balor sa P1,000.00 sa nagkadaiyang denominations, tulo ka gagmayng pakete nga adunay sulod nga white crystalline substance ug gituohang shabu, lakip usab nakuha ang mga drug paraphernalia, mga bala sa nagkadaiyang armas de fuego, ug mga personal nga gamit sa mga dinakpan
Human kini sila miagi sa procedural documentation, dali kini sila nga gidala sa Ipil MPS alang sa tukmang disposasyon.
Ang mga dinakpan nagpa-abot nalang karon sa ipasaka nga kaso batok kanila.
Samtang sa laing bahin walay mga dinagko nga panghitabo dinhi sa atong probinsya sa Zamboanga del norte nga natala sa atong police blotter, gawas lamang sa mga petty crimes nga dili usab makapatandog sa kahapsay ug kalinaw sa atong probinsya.
Hinuon kanunay man nga naka alerto ang atong kapulisan matag karon ug unya nanawagan usab ang atong kapulisan dinhi sa Zamboanga del norte ngadto sa katawhan nga bisan paman malinawon kita ug walay hulga, kinahanglan nga kanunayng magma-igmat ug dali nga itaho ngadto sa otoridad kung adunay mamatikdan nga mga kadudahang tawo aron mahatagan gilayon ug aksyon.
