Davao City – Hayan musangko sa pagreklamohay sa barangay ang pagsinumbagay sa duha ka Indian national nga pulos mga estudyante ug nagpuyo sa Happy Home Dorm sa may Margarita Village, Bajada ning dakbayan.
Human gitambagan sa Buhangin PNP ang biktima nga si Santhosh Kumar Balaji, 18 anyos, ulitawo nga dad-on sa Barangay Level ang iyang sumbon batok kang Cibi Peter aron husayon ang ilang pagbugno.
Matud ni Balaji nga kalit na lamang siya gibun-og ni Cibi Peter sa walay igong rason mao nahitabo ang kaguliyang tali sa duha sulod sa ilang dormitory nga nakatugaw sa ubang mga ukopante niadtong Pebrero 10 ning kasamtangang tuig.
Sigun ni Balaji, nakahiagom kini og ubay-ubay nga bun-og sa kalawasan human kulataha matud pa ni Peter ang biktima niadtong higayona.
RadyoMaN Joel Viray
