Duha ka indibidwal nga gipangdakop sa kapulisan sa Sirawai gibuhian na.

35

Sirawai- Human nga nakuhaan ug impormasyon ang duha ka indibidwal nga sila si Marudji Bujul Tuwa, 70 anyos residente sa Brgy. Libucon, Sirawai ug Faisal Iscondes Magura, 47 anyos residente sa Poblacion, Sibuco, Zamboanga Del Norte sa kapulisan sa Sirawai gipapauli ra usab dayon kini sila.

Gikuhaan lang sila ug gamay nga detalye may kalabot sa gihimong pagsilbi sa Search Warrant batok kang Judhadi A. Amil, 49 anyos nga taga brgy. Doña Cecilia, Sirawai.

Kahinumduman ang kapulisan sa Sirawai Zamboanga Del Norte Provincial Mobile Force Company ug 905th Regional Mobile Force Battalion sa pakig koordinar sa 42nd IB PA bitbit nila ang search warrant No. 2018-03-20 (02) sa paglapas sa RA 10591 ug RA 9165 Section 11 Art II sa Comprehensive Dangerous Drugs gikan sa lamesa ni Judge Laarni Dajao, penetsahan marso 20, 2018.

Sa pagsilbi sa search warrant si Judhadi Abang Amil mikuha kini sa KG9MM automatic riffle didto sa iyang kwarto aron sulay unta sa pagsukol apan na unhan kini sa mga tinugyanan sa balaod nga mao’y hinungdan sa wala damhang kamatayon sa usa ka person of interest.

Matod pa ni PO3 Rashid R. Paniorotan, wala matapos ang ilang gihimong pag search tungod sa tensyon.

Nakuha sa crime scene ang 6 ka pakete sa gituohang shabu, mga drug paraphernalia, KG9 machine gun, mga nagkadaiyang bala sa armas, ug mga personal nga gamit sa namatay nga person of interest.

Facebook Comments