Duha ka insidente sa ambush mitumaw sa Surigao City ug Surigao del Norte Duha ka sunod-sunod na insidente sa pag-ambush an mitumaw kuman buntag sa Surigao City ug Surigao del Norte mga alas 10:00 ganinang buntag. Namahayag an hepe nan PNP Public Safety Company na si Supt. Diomedes Cuadra Jr., una na insidente sa Km. 12, Brgy. Trinidad, Surigao City na kon diin an tropa nan Claver Municipal Police Station nagsakay sa ila Police Patrol pasingod unta diri sa Surigao City proper para ipadajaw an ila sakyanan, an tag-rakrakan ini nan bana-bana 10 ka tagtuohang New People’s Army. Ikaduha na insidente sa may Brgy. Mabuhay, Sison, Surigao del Norte na kon diin an PNP Prov’l. Mobile Force an naka-engkuwentro an bana-bana 15 ka tagtuohang NPA. Tagtudlo na sa dihang namatikdan sa tropa sa PNP an mga rebelde sa taas na bahin sa bukid, sila mihunong sa ila tagsakyan ug nahitabo an sinukliay sa bala na milungtad nan pipila ka minuto. Sa amo na insidente, wayay mga nasamdan o nakalas sa habig sa PNP samtang sa NPA an padajon pa na tagpakisayran ug nagpadajon pa an clearing operations.
