Duha ka kaso giduso batok sa kanhi Mayor sa CDO!

Duha ka pares sa kasong graft and corruption batok kang kanhi Mayor Vicente Emano apil ang pipila niya ka mga kaubanan ang gipasa karon sa usa ka kanhi trabahante sa city hall. Kini may kalambigitan sa usa ka NGO kun non-government organization nga adunay konekyon sa pork barrel scam.

Matud pa nga gipagawas ang maong kwarta naidtong 2013 sa wala pa mikanaog si Emano sa iyang posisyon isisp mayor sa syudad. Ang maong mga complaints ang giduso sa usa ka Ernesto Molina, usa ka job order nga trabahante sa city hall.

Kahinumduman nga si Molina mao usab ang nagduso ug kaso didto sa Ombudsman batok sa anak sa kanhi mayor nga si Misamis Oriental Gov. Yevgeny Vicente Emano may kalambigitan sa kwestyonable nga pag appoint niini kang ex-councilor President Elipe isip manager sa Misamis Oriental sports complex nga gidumala sa kapitolyo.


Apil usab sa gikasohan may kalambigitan sa PDAF o Priority Development Assistance Fund sa usa ka congresswoman mao sila si kanhi city treasurer Marilyn Legaspi, kanhi city accountant Wilma Rugay, kanhi city budget officer Gresilda Joson ug Carlos Soriano, ang presidente sa Kaagapay Magpakailanman Foundation Inc. Gikwestyon sa maong kaso ni Molina kung tinood ba nga NGO ang maong foundation nga karon nalambigit sa PDAF scam.

Kahinumduman nga gikan sa PDAF ni Ambis-Owa party list Rep. Sharon Carin ang P4million nga pundo nga matud pa gipagawas para sa Kaagapay Magpakailanman Foundationn isip matrud pa bayad sa skills and training on meat processing ug mga materyales para sa syudad.

Samtang ang laing kaso usab mahitungod sa pundo sa disaster risk management sa city hall nga unta dapat gigamit sa paghatag ug mga seedlings ug agricultural supplies sa mga survivors sa duha ka bagyo nga miigo sa syudad niadtong 2011 ug 2012. Matud pa ni Molina nga ang syudad niadtong panahona wala mailalom sa state of calamity apan nagasto gihapon ang P5.784 million nga pundo sa tuig 2013.

Facebook Comments