Dipolog City – Duha ka suspetsado nga gikaingon responsable sa pagpangawat og motorsiklo ang nadakpan sa Theft and Robbery Section sa Dipolog City Police Station kagahapon sa buntag didto sa baybay Barangay Galas, dakbayan sa Dipolog.
Si PO1 Nelvin Mangan imbestigador sa kaso niila sa ilang nadakpan nga sila Vincent Mamalias, 17 anyos nga dunay postal address nga taga lungsod sa Dumingag, Zamboanga del Sur ug Christopher Entoy alias Dodong, 17 anyos nga taga Barangay sa Saluyong, lungsod sa Manukan, kinsa polos temporaryong gibalhog sa prisohan.
Sumala pa ni PO1 Mangan nga gialarma nila ang duha human nasiplatan kagahapon sa barangay galas ug gitumbok nga responsable sa mga kawat sa motorsiklo busa, ilang gilusad ang operasyon.
Nakuha gikan sa duha ang motorsiklo SYM kolor itom ug dokumento niini nga nakapangalan ni ‘ Chocel Pilapil ‘ taga Purok 2, Barangay Pangabuan dakbayan sa Tangub.
Matud pa ni PO1 Mangan ang duha layas sa Regional Rehabilitation Center For Youth sa lungsod sa Polanco ug mao usab ang responsable sa pagpangawat sa motorsiklo Honda wave nga iya ni Ryan Polestico, samtang nakaparking gawas sa usa ka boardinghouse diha sa Tomas Claudio St. Barangay Miputak ug giabandona ra sab sa Barangay Bag-ong Argao, lungsod sa Molave Zamboanga del Sur.
Lain pang motorsiklo giabandona nga ilang narekober sa may Baragay Turno, Honda wave kolor blue plaka numero JJ 3473.
Nanawagan karon ang kapolisan nga kinsa katong nawad-an o tag-iya sa maong motorsiklo nga modangop sa ilang buhatan dala ang dukumento sa motorsiklo. (r.m)
