SYUDAD sang Iloilo – Hugot na nga ginapatuman ni Vice Mayor Jeffrey Ganzon ang proper decorum sa ti-on sang session sang Iloilo city council.
Sa umpisa pa lang sang session ghinpahanumdom na sang bise alkalde ang mga konsehal nga indi maglagaw sa floor, indi makigsugilanon samtang may nagahambal sa mikropono kag hulaton nga marecognize antes magtindog kag maghambal.
Subong man samtang mainit ang deliberasyon sa session nagtindog kag naghambal si councilor Jay Treñas bisan wala pa naacknowledge gani ginsita sya ni Ganzon.
Samtang si Councilor Mandrei Malabor nagpalapit naman kay councilor Love-love Baronda samtang may deliberasyon agud magpamangkot gani gintawag man ni Ganzon ang iya attention.
Matandaan nga nagpapanaog sang memo si Ganzon sang nagligad nga semana agud pahanumdomon ang mga konsehal nga magsunod sa proper decorum sa plenary sa tagsa ka session.
