Davao City – Arestado sa kapolisan ang duha ka tigpayuhot sa illegal drugs human gikasa ang managlahing buy bust operation.
Unang nadakpan sa Sta. Ana PNP mao si Arvin Luganio Tambucuan, 26 anyos, laborer, residente sa Maya-Maya St., New Salmonan, Brgy. Wilfredo Aquino, siyudad sa Davao.
Sumala pa napalitan sa kapolisan ang suspek ug usa ka sachet sa shabu pinaagi sa buy bust money ug laing tulo ka rectangular heat sealed transparent plastic sachet nga shabu ang narekober nga motimbang og 2.2 grams estimated street market value P32,000.00 lakip nakumpiska ang illegal drug paraphernalia.
Nasikop usab sa buy bust operation sa kapolisan sa San Pedro , ang usa ka construction worker nga si Aldryn Janarin, alias “Uto”, 30 anyos, residente sa Piapi Boulevard, Barangay 21-C ning dakbayan.
Narekober sa kapolisan ang duha ka sachet nga mukantidad ug P2,000.00 , usa ka cellpone ug illegal drug paraphernalia.
Subay sa monitoring sa kapolisan nga sagad customers sa duha ka suspek mga tricycle drivers ug laborer sa nasangpit nga barangay.
Ang mga dinakpan pasakaan sa kasong kalapasan sa R.A. 9165 kon Comprehensive Dangerous Drugs Act of 2002.
RadyoMaN Don Pulayao
