Davao City – Duha ka drug pusher ang nasikop sa kapolisan sa managlahing buy bust operation human nakuhaan og shabu nga mukantidad ug dul-an P10,000 mil.
Unang nadakpan sa San Pedro PNP mao si Benjie Andrion Bierneza, 26 anyos nga nagpuyo sa Ponciano, Reyes Street, Brgy.4-A siyudad sa Davao. Nakuha gikan sa iyang posisyon ang 7 ka rectangular transparent plastic heat sealed sachet ug mga illegal drugs paraphernalia.
Samtang sa Sta Ana PNP arestado sa buy bust operation ang usa ka laborer nailang Deomart Cabunoc, 26 anyos, residente sa Brgy. 22-C, Piapi, Boulevard, ning dakbayan diin narekober usab sa kapolisan ang upat ka sachet nga gituohang shabu, P500 buy bust money ug usa ka cellphone nga nga maoy gigamit sa suspek sa illegal nga transaksiyon.
Ang duha ka dinakpan balhug na sa prisohan ug mag atubang kini og kasong kalapasan sa R.A 9165 kun Comprehensive Dangerous Drugs Act Of 2002.
RadyoMan Don Pulayao
