Davao City – Gidunggab ang usa ka estudyante ug usa ka ulitawo sa tulo ka mga lalaki nga nagsakay og motorsiklo ala-1:20 sa kadlawon sa may Purok Bayanihan, Barangay Magugpo West Tagum City.
Base sa rekord sa Police Regional Office XI, ang mga biktima mao sila si Darrell Jay Palmares, 18 anyos nga taga Purok 2-A, Barangay La Filipina, Tagum City ug si Gleen Tudud Sivallana, 26 anyos nga taga Purok 9 Malinawon, Barangay Mankilam Tagum City.
Base sa imbestigasyon sa kapulisan, samtang padulong si Palmares sa kompanya diin siya nag OJT kalit kini gihunongan og motorsiklo nga adunay sakay nga tulo ka mga lalaki dayon dunggab sa likod nga bahin niini sa makaduha nga higayon.
Samtang ang usa ka biktima nga si Sivallana kinsa anaa sab duol sa maong dapit giapil og dunggab sa mga suspek.
Ang mga biktima daling gidala sa Davao Regional hospital alang sa pagpaalim sa mga samad dinunggaban.
Kapulisan sa Tagum naglusad na og follow-up investigation niini nga insidente.
RadyoMaN Abi Bibera
