Duha ka lalaki giluba sa ilang kaaway

41

Davao City – Gipangita na karon sa Buhangin Police Station, ang suspek sa pagdunggab sa duha ka lalaki sa Brgy.Tigatto, Buhangin ning syudad, pasado ala 1:00 sa kadlawon.

Giila ang suspek nga si Rodrigo Catajosan, dunay kapuyo, ug nagpuyo sa Buhangin, dakbayan sa Davao, human gitudlo nga maoy miluba nila Dave Bernales ug Vheljun Masillones, pulos residente sa Purok Mahayag sa samang Barangay.


Migawas sa imbestigasyon nga nagkabikil ug nagsinukmagay sila Dave ug Rodrigo atol sa aktibidad sa barangay apan nahusay ra ang duha sa mga staff sa barangay ug sa pagtoo nga wala nay problema kumpiyansa ang biktima og miadto sa Tigatto kauban ni Vheljun.

Wa magdahum si Dave nga nagdumot pa gihapon diay si Rodrigo kaniya rason nga gisundan kini sa suspek kansang armado og colonial nga kutsilyo ug sa dihang miabot na ang mga biktima sa Tigatto kalit kini giluba ni Rodrigo gamit ang maong hinagiban.

Human sa hitabo, gilayong misibat ang suspek samtang ang mga biktima daling gidala sa Southern Philippines Medical Center (SPMC), aron matambalan ang ilang mga samad dinunggaban.

RadyoMaN Joel Viray

Facebook Comments