Duha ka lalaki gipamusil, patay

29

Pagadian City – Patay sa pagpamusil sa wala pa maila nga mga responsable and duha ka mga lalaki dihang dapita sa Zone 2, North Diversion Road, Tiguma, ning dakbayan sa Pagadian( duol sa buhatan sa Isuzo ning syudad). Nahitabo ang pagpamusil alas 4:35 pasado sa hapon kagahapon.
Patay diha-diha si Cristino Ocquilan Agbulos Jr. 48 anyos, lalaki, minyo, retirado nga sakop sa Phillipine Army, resedente sa Blk 8, Lot 18 Alta Tierra, Tiguma, sakop ning syudad sa Pagadian og patay usab ang usa ka Leo Calunsag Carillo, 34 anyos, lalaki, dunay live-in partner, residente sa Purok Tinangkong, Palpalan, sakop ning dakbayan.
Base sa initial nga imbestigasyon sa mga kapulisan nga nakaparada lamang ang biktima sa sakay sa Mitsubishi army jeep color green nga nagtangag sa plaka numero CCN 4647. Samtang ang usa sa biktima nga si Carillo ang nakasakay sa YAMAHA MIOi 125 color pink 125 nga nagtangag usab sa plaka numero nga 0920-998321.
Kalit nga miabot ang mga suspek og mipusil ngadto sa mga biktima sa nagkadaiyang bahin sa ilang kalawasan nga meresulta sa hinanali nga kamatayon sa mga biktima.Nahipos sa dapit hitaboan ang unum ka mga basyo sa gituhuang kalebre 45 nga pistola.
Dali nga mihimo og imestigasyon ang mga kapulisan ning syudad ning syudad sa Pagadian aron sa pagtumbok og pag-ila sa mga personalidad sa mga suspek. Sa ekslusibo nga interview sa RMN News Team ngadto sa Amahan sa biktima nga si Carillo, gibutyag niini nga gikan matod pa namaligya og kopras ang biktima og wal matod pa kini siyay kontra sa ilang lugar.

Facebook Comments