Davao City – Padayong ginasuta sa kapulisan ang motibo sa pagpusil-patay sa duha ka lalaki alas-7:45 kagabii sa Purok 22, San Roque, Poblacion, Calinan ning syudad sa Davao.
Sa interbyu sa DXDC RMN Davao kang Police Major Arquimedes Wesley, ang chief of police sa Calinan PNP, giila niini ang mga biktima nga si Joshua Amarillo, 22-anyos ug Roland Sarajina, 43-anyos, residente sa Brgy. Talandang, Tugbok District, Davao City.
Gisaysay ni Wesley nga subay sa nakasaksi, usa ka van ang mibabag sa tricycle nga gisakyan sa duha dayon gipusil kini sa duha ka mga wala mailhing lalaki.
“Allegedly, sinundan sila ng van na puti according sa naka witness. Gi-block niya yung tricycle na dina-drive ni Joshua then may bumaba na dalawang lalaki na allegedly na sila ‘yung gunmen, pinagbabaril na itong dalawa na sakay nga tricycle,” saysay ni Wesley.
Segun ni Wesley nga adunay impormasyong kanhi piniriso si Sarajina apan ginasuta pa kung aduna kini koneksyon sa insidente.
Sa pagkakaron, padayon pang ginapangita ang mga suspek nga miikyas human sa krimen.
RadyoMaN Kirby Manzon
