Davao City – Gipangpusil ang duha ka lalaki alas 8:00 sa kagabhion nahitabo sa dakbayan sa Digos Davao del sur.
Sa report gikan sa Trauma Section sa Southern Philippines Medical Center mga biktima naila sa pangalang Nestor Remonde Sr., 44 anyos ug laing usa ka Ralf Joseph Porteno, 31 anyos nga nakapuyo sa Digos City.
Matud pa sa asawa sa biktima samtang nagmaneho si Nestor og single nga motorsiklo angkas si Ralf Joseph kalit kini gipusil sa wala mailhang suspetsado.
Base sa report, si Ralf Joseph naigo sa tiil nga bahin samtang si Nestor naigo sa likod nga bahin sa iyang lawas hinungdan sa pagkatumba nila sa iyang gimanehong motorsiklo.
Ang duha ka biktima daling gidala sa Southern Philippines Medical Center aron matambalan.
RadyoMaN Don Pulayao
