Pagadian City – Kasong paglapas sa Akta Republika 9165 kun “Comprehensive Dangerous Drugs Act of 2002” ang gi-atubang karon sa duha ka mga lalaki human nadakpan sa gipahigayon nga drug buy bust operation sa tropa sa Station Drug Enforcement Team sa Pagadian City Police Station.
Alas sa buntag gikasa ang maong operasyon sa National Highway partikyular sa atubangan sa Gansobin sari-sari store Purok Duranta, Brgy. Tawagan Sur ning syudad.
Giila ang nadakpan nga sila si MARK ANTHONY FUENTES DELOS REYES, alyas TON-TON, 26 anyos ug residente sa Camilla Homes, Brgy. Tiguma ug JASFER BAYOT ORTALEZA, alyas JAS, 18 anyos, estudyante kolehiyo ug lumulupyo sa Purok Marang, Barangay Tuburan, Pagadian City.
Nakuha sa posisyon sa mga dinakpan ang tulo ka sachet sa gitoohang shabu nga mobalor sa 3,500 ka pesos.
Narekober usab gikan sa mga suspek ang uban pang drug paraphernalia, P500 nga buy bust money, usa ka cellphone ug usa ka unit sa Suzuki smash 110 nga walay plaka numero.
Ang mga dinakpan gikostudiya na sa Pagadian City Police Station detention Cell.
