Davao City – Tingkagol sa prisohan ang duha ka mga lalaki nga nadakpan sa Armed Forces of the Philippines – Philippine National Police (AFP-PNP) Checkpoint sa Lasang, Bunawan District, Davao City kagahapong adlawa (Huwebes) Enero 27, 2022.
Sa report sa Task Force (TF) Davao, naaresto alas-7:00 sa buntag ang suspek nga si John Deu Cabran Castaño, 29-anyos, residente sa Koronadal, South Cotabato. Nakuha gikan kang Castaño ang gituohang shabu nga anaa sa 0.20 gramos o gibana-banaang street value nga P1,360.00.
Samtang, arestado usab alas 10:40 sa buntag ang usa ka Clyde Harvey Zarate Depasucat, 31-anyos, residente sa Kiharong, Maramag, Bukidnon sakay sa usa ka Public Utility Van. Nakuha kang Depasucat ang anaa sa 0.21 gramos sa gituohang shabu nga mokantidad sa P1,428.
Anaa na sa Bunawan Police Station ang duha ka dinakpan ug mag-atubang sa kasong paglapas sa Republic Act (RA) 9165 o Comprehensive Dangerous Drugs Act of 2002.
RadyoMaN Kirby Manzon
Facebook Comments
