Paslak karon sa prisohan ang usa ka 70 anyos nga lalaki human kini nakuhaan ug armas sa mga pulis sa lungsod sa Sibutad human giilbi ang search warrant.
Bitbit sa mga pulis ang Search warrant, ilang gihalog-hog ang balay ni Jose Elumbaring Acevedo, 70 anyos, residente sa Purok 4, Pob. Sibutad, ZDN.
Mismo ang hepe sa lungsod nga si PLt Roel Talaid, ang nangulo sa gihimong operasyon nga kung diin nakuha ang kalibre .45 ug mga buhing bala.
Kasong paglapas sa R.A 10591 kun “Comprehensive Firearms and Ammunition Act” ang giatubang sa dinakpan human napasaka sa korte.
Samtang usa sab ka mangingisda ang nakuhaan ug armas sa kapulisan sa susama nga lungsod didto sa Sitio Latungon, Purok 3, Sawang, Sibutad, ZDN
Nakuha kang Ronnel Duhaylungsod ang kalibre .45, adunay SN: 724398 lakip na ang duha ka magazine sa .45 ug duha ka mga buhing bala.
Human napasaka sa korte ang kaso batok kang Ronnel, gilayon kining nakapyansa sa kantidad nga 120mil.
