Davao City – Nakuryentihan-patay ang duha ka mga lalaki nga padung unta sa ilang mga pamilya aron mangaligo og dagat nahitabo sa Sta. Cruz, Davao del Sur kagahapon sa alas 10:30 sa buntag, Pebrero 2, 2020.
Sa report sa Sta. Cruz PNP, giila ang mga biktima nga sila Rafael Bondoc Tulabing, 27 anyos, 24 anyos nga si Rodolfo Fuentes nga taga Marapangi, Toril ning syudad.
Sa imbestigasyon, padung sila sa Oboza beach apan pag abot sa may Purok Rambutan, Carp, Barangay Darong, Sta. Cruz, Davao del Sur, dunay nakaharang nga natumbang lubi nga dunay kable sa kuryente sa Davao del Sur Electric Cooperative (DASURECO) ug sa dihang gigunitan sa biktimang si Rodolfo ang nakaharang, nakuryentihan kini nga dali usab giluwas sa usa pa ka biktima apan naapil kini nga nakuryentihan hinungdan sa ilang kamatayon.
Ang patay nga lawas sa mga biktima giadala sa Esperanza Funeral Parlor, Brgy Zone 3, sa nasangpit nga probinsya.
RadyoMaN Erin Lumosbog
