Duha ka lalaki nasikop sa kapulisan tungod sa tari-tari!

Makita ang duha ka manok nagsabong / PCCTO

Duha ka mga lalaki nasikop Dominggo sa hapon tungod sa iligal nga sugal nga gaitawag nga tupada kon tari-tari.  Kini atol sa gilusad nga anti-illegal gambling operation sa mga operatiba sa Cugman Police diha sa Zone 4, F.S Catanico ning syudad sa Cagayan de Oro.

Naila ang mga dinakpan nga silang Jerry Borgoño ug Jonas Senojos mga hingkod ang panuigon nga lumolopyo sa nasangpit nga dapit.

Nakumpiska gikan sa mga suspetsado ang duha ka buok nga injured fighting cock, usa ka patay’ng manok igtatari, bet money nga mokabat ngadto sa 1,500 pesos.


Lakip nga nakumpiska ang usa ka tari nga naka set-up sa namatay’ng manok igtatari.

Detinado na karon ang mga suspetsado sa PS10 mini custodial facility samtang giandam na ang kasong pagsupak sa P.D. 1602 tungod sa illegal cockfighting.

Kasama mo sa PS10 Cugman, RadyoMaN Andy Coco, DXCC Tatak RMN!

Facebook Comments