Sibutad, ZDN-Daw sa nabulag ang espiritu sa lawas ug nahuwasan sa kahubog ang duha ka biktima sa dihang giti-onon kini sila ug armas.
Matod pa kining biktima nga si Joseph Redillas uban sa iyang amigo nag inom kini sa tindahan ni Rowena Dahili, anaa nahimutang sa Punta Cilla, Brgy, Sawang lungsod sa Sibutad.
Saysay pa sa biktima kini si Raul Orong, kalit lang miabot nga hubog ug dayong pabuto sa taas sa makatulo ka higayon dala sa pagsambit nga siya ra ang isog sa brgy. Sawang.
Wala pa na kontento ang suspek nga si Raul ug giti-onan pa ang duha ka mga biktima, hinungdan nga daling mikaratil ug dagan ang duruha.
Dali usab kining girespondehan sa kapulisan sa Sibutad ug didto ila kining nasikop ang suspek ug apil nga nakuha ang cal. 38 nga revolver.
Sa karon nagpabugnaw na sa locked-up cell sa Sibutad MPS ang suspetsado aron atubangon ang kasong ipasaka batok kaniya.
