Duha ka lalaki nga may bitbit shabu, nagpalagas sa pulis nga naga checkpoint

BACOLOD CITY – Detenado ang duha ka mga lalaki matapos nga nagpalagas ang mga ini sa mga katapo sang Highway Patrol Group kagapon sang aga sa Corner Magsaysay-Araneta Street ciudad sang Bacolod.

Ginlagas sang katapo sang HPG ang salakyan tubtub nga nadakpan sa dalan Araneta-Magsaysay malapit sa ginatukod nga flyover.

Ang mga suspetsado nga nadakapan ginkilala nga sanday Cyrus Canlas, 21 anyos residente sang Brgy Pahanocoy kag amu ang driver sang salakyan kag Christian Parreño 24, nagapuyo sa Brgy 30 siudad sang Bacolod.


Nahibaluan nga nagapatigayon sang checkpoint ang Highway Patrol Group sa area sang Negros Occidental Provincial Police Office (NOCCPO) sa Barangay Estefania, apang wala nagpundo ang Honda Civic color brown, nga ginasakyan sang mga suspetsado halin sa Providence Subdivision kag madasig ini nga nagpalagyo sa direksyon sang Alijis tubtob nga nacorner sa Corner Magsaysay/Araneta Street.

Narecover sang kapulisan ang kapin sa P44,880 pesos cash, isa ka sachet sang suspected shabu kag mga drug paraphernalia.

Facebook Comments