Davao City – Napasakahan na og kasong pag lapas sa R.A 9165 kon Comprehensive Dangerous Drugs Act of 2002 ug kasong illegal possession of fire arms batok sa duha ka lalaki nga mao sila Felimar Lamostia, 35 anyos ug Nelson Guipo, 20 anyos pareho nagpuyo San Nicolas Barangay Centro Agdao syudad sa Davao.
Naharang sa kapulisan sa Bunawan ug Task Force Davao alas 9:00 sa gabii didto sa Task Force checkpoint sa may Licanan Barangay Lasang ning dakbayan ang duha ka mga dinakpan.
Atol sa gihimong inspeksyon nakuha sa possession ni Lamostia ang usa ka norinco caliber .45 pistol ,usa ka magazine nga dunay 7 ka bala, usa ka improvised glasstube tooter nga gituohang shabu samtang narekober usab gikan sa posisyon ni Guipo ang usa ka improvised glass tube tooter nga gituohang shabu nga dunay marijuana nga gibalot og usa ka magazine.
Sa pagkakaron anaa ang mga dinakpan sa selda sa Bunawan PNP.
RadyoMaN Don Pulayao
