Tanggong pa gihapon sa balay bilangguan ang usa ka dinakpan human kini nasikop sa kapulisan sa lungsod sa liloy human nagpahigayon ug pagsilbi sa warrant of arrest gikan sa hawanan ni Judge Oscar D. Tomarong sa RTC Branch 28, 9th Judicial Region Liloy.
Ang dinakpan nailang si Rey Jumalon Ombay, 40anyos ug si Ruderick Cabanas Namalata pulos kini residente sa brgy. Situbo, Tampilisan, Zamboanga del norte didto kini sila nasikop sa brgy. Baybay, Liloy niadtong adlawng martes bandang 9:45AM.
Si Rey ug Ruderick nag atubang sa kasong paglapas sa R.A 9175 otherwise known as the Chainsaw Act of 2002 Sec. 7(4) tungod sa illegal nga pagputol sa kahoy gamit ang chainsaw.
Ang korte nagtanyag kanila ug pyansa sa kantidada nga P14,000mil matag usa kanila.
Butyag pa sa imbistigador nga si PO2 Argie Lihay-Lihay duha ka kaso ang giatubang sa mga dinakpan ug naka pyansa na sa kasong may kalambigitan gihapon sa pagputol ug mga kahoy apan matod pa ni PO2 Lihay-lihay nga ang usa lang ka kaso ang naabswelto sila ug aduna pay nagpabiling kaso nga gipasaka kanila.
Karong adlawa, pormal na kini sila nga ipaatubang sa korte may kalabutan sa kaso nga ilang giatubang.
