Duha ka lolo dakup sa iligal nga pabulang sa banwa sang DSB

8

Dakup ang duha ka lolo sa ginpatigayon nga Anti-Illegal Gambling Operation sang Don Salvador Benedicto Municipal PNP sa Purok Rambutan, Barangay Bunga banwa sang Don Salvador Benedicto.

Ginkilala ang mga nadakpan nga sanday Roger Benitua Sr., 71 anyos, kasado, residente sang Purok Ipil-ipil, Barangay Bunga kag Marcial Yanong, 63 anyos, kasado kag residente sang Purok Rambutan sang amo man nga barangay.


Nakuha sa duha ang apat ka patay nga inugbulang nga manok, isa ka gaff ukon bulang kag P380 nga kwarta.

Detinado sa karon ang duha sa custodial facility sang Don Salvador Benedicto PNP kag pasakaan sang kaso nga pagbayolar sang Presidential Decree No. 1602 may angut sa illegal cockfighting.

[image: image.png]

Facebook Comments