Davao City- Natala sa Philippine Institute of Volcanology and Seismology (PHILVOCS) karon lang buntag duha ka managlaing linog nga nitay-og sa Davao Region.
Gitay-og og magnitude 4.5 nga linog ang Davao Occidental kaganinang 9:25 sa buntag diin base sa report sa PHIVOLCS, ang maong linog dunay 174 kilometros ang gilay-on sa sidlakang bahin sa Sarangani Davao Occidental nga dunay giladmon nga 33 ka kilometros.
Samtang 2.1 magnitude nga linog ang nasinati sa Compostela Valley Province kaganinang 10:24 sa buntag diin ang maong linog dunay 5 kilometros ang gilay-on sa Pantukan Comval nga dunay giladmon nga 29 ka kilometros.
Dugang sa report sa PHIVOLCS, tectonic ang tinubdan sa maong linog ug walay laumang damyos o aftershocks sa maong pagtay-og.
RadyoMan Renz Barbarona
