Davao City – Nakaangkon og samad sa nagkadaiyang parte sa lawas ang duha ka managsuon human gitigbas ala 1:19 sa kadlawon nahitabo didto sa San Jose Ipil Beach Brgy. Duterte siyudad sa Davao.
Sa report gikan sa Sta Ana PNP mga biktima mao sila si Edward Mina, 23 anyos ug Jay Mina, 21 anyos parehong nagpuyo sa nahisgutang lugar samtang ang mga suspek grupo nila alyas Dodong nga maoy responsable sa pagpanigbas.
Sumala pa sa igsuon sa biktima nga si Franklin Mina samtang dunay nag-inum niadtong tungora sa nasangpit nga lugar kalit niabot ang grupo sa suspek ug gipangtigbas ang duha ka biktima.
Human sa hitabo ang mga suspek daling nisibat sa wa matinong lugar samtang ang duha ka biktima daling gidala sa Southern Philippines Medical Center aron sa pagpatambal.
Nigawas sa imbestigasyon sa kapolisan sa Sta Ana nga ang motibo sa pagpanigbas tungod lang sa panaglalis.
RadyoMaN Don Pulayao
