Dimataling, Zamboanga del Sur – Nagpaalim sa balay tambalanan ang duuha ka mananagat human kini naigo sa kilat samay 4:30 sa hapon kaniadtong nakalabay nga adlaw sa sabado sa coastal area sa Barangay Salawagan, Dimataling, Zamboanga del Sur. Ang mga biktima naila sa pangalan nga sila si Jamelacay Sala, 17 anyos, ulitawo, mananangat, ug si Eddie Mohales, 40 anyos, minyo, mananagat og managsama nga mulupyo sa Purok 10, Barangay, Salawagan, Dimataling, Zamboanga del Sur.
Sa investigasyon sa kapolisan sa Dimataling nasayran nga ang mga biktima nanagat kini sa coastal area sa nahisgutang lugar apan accidente kini nga naigo sa kilat. Hinungdan nga kining mga biktima ang nakaangkon og daghanang paso sa ilang kalawasan ug gidala kini sa Pitogo Rural Health Unit alang sa dinalian nga pagtambal og gibalhin gilayon kini ngadto sa Margosatubig Regional Hospital, Margosatubig Samboanga del Sur alang sa dugang medikasyon.
