Duha ka membro sa teroristang grupong New People’s Army napatay sa kasundaluhan kagahapong adlawa

50

Midsalip, Zamboanga del Sur – Napatay sa kasundaluhan ang duha ka wala mailhing mga membro sa New People’s Army (NPA) alas 11:05 kagahapon sa buntag didto sa Barangay Balonai, Midsalip, Zamboanga del Sur.
Mokabat sa 25 minutos ang sinukliay sa bala tali sa mga sakop sa 53rd Infantry (Matapat) Battalion ug sa teroristang NPA.
Human sa maong engkwentro, narekober sa tropa ang duha ka patayng lawas sa NPA, duha ka AK47 assault rifles, duha ka bandoliers nga adunay magazines ug mga bala, lakip na ang usa ka backpack.
Swerteng walay nasamdan sa han-ay sa kasundaluhan.
Sigon ni 53IB Commander ” Lt. Col. Jo-ar Herrera, nagmalampuson ang maong operasyon gumikan sa kooperasyon sa mga lumulupyo sa maong dapit nga maoy misumbong sa otoridad.
Niining kasamtangan, nagpahigayon na ug pursuit operations ang kasundaluhan arun sa pagsikop sa mga nakaikyas nga membro sa teroristang grupo.
Ang mga narekober nga patayng lawas ang gibyahe na sa mga personahe sa 53rd IB arun mailhan ang pangalan ug mahatagan sa desentong lubong.
(Photo credit: 53IB)

Facebook Comments