Lunsay gindala sa regional hospital ang duha ka mga menor de edad nga lalaki matapos nga ini sila ang nabiktima sang palupok sa duha ka separado nga insidente sa ciudad sang Bacolod kag Negros Occidental.
Una gindala sa ospital ang isa ka 12-anyos nga biktima halin sa banwa sang La Castellana diin nga nalukpan sang boga mga las 4:30 kahapon sang hapon.
Suno sa amay sang biktima nga ginsindihan sang iya bata ang boga apang wala ini naglupok gani ini ang iya gin-lili, ginpitik kag didto na hinali nga naglupok nga nagtuga naman sang pagkapilas sang biktima sa iya tuo nga mata kag guya.
Samtang, nag angkon naman sang pilas sa iya tuo nga mata kag kamot ang 14-anyos nga bata nga lalaki nga pumuluyo sang Brgy. Estefania, Bacolod City matapos nga ini ang nalukpan pasado las 4 man kahapon sang hapon.
Pahayag sang biktima nga iya ginkuha ang wala naglupok nga firecracker apang hinali na lamang ini nga nagsigabong sa iya kamot.
[image: image.png]
