Bacolod City, Negros Occidental – Ginhold-ap ang duha ka mga menor de edad sa 16th Street, dalan Lacson, Brgy, 4, ciudad sang Bacolod kagab-i.
Naga-edad ang mga ini sang 14 kag 15 anyos.
Suno sa panaysayon sang mga biktima, pasado las 11 kagab-i, samtang nga nagalakat sila sa dalan Lacson may nagtupad sa ila nga duha ka lalaki nga nagasuksok sang ball cap kag itom nga t-shirt kag gilayon nga nagdeklarar sang hold-up.
Nakuha sa mga biktima ang kwarta nga nagabalor P218 pesos kag cellphone nga balor P3,500.
Matapos nga makuha sang mga suspek ang ila kwarta kag gamit, gilayon ini sila nga nagpalagyo sa wala nahibalu-an nga direksyon. – RCSG / iFM News
Facebook Comments
