Mapasalamaton ang kapulisan sa lungsod saTampilisan human ilang nasikop pag balik ang duha piniriso nga mi eskapo sulod sa bilangguan.
Kung kahinumduman ang kapulisan sa Tampilisan sa pagpanguna ni PI Carlito C. Requilme uban sa 13 special force company sa pagpanguna ni PFC Rolando D. Martinez ug mga barangay official ug tanods sa barangay Situbo, Barangay Tininggaan, Brgy. Cabong ug Barangay Sandayong pulos kini sakop sa lungsod sa Tampilisan.
Nagtinabangay kini sa paghimo ug hot pursuit operation para mabalik pagsikop ang mga mi eskapo nga sila si Alfin Moreno Omar nga taga brgy. Situbo, Tampilisan. Apan niadtong higayona usab samtang nagkamulo sa operasyon ang mga tinugyanan sa balaod misulay pa unta pag atake sa usa ka barangay tanod apan maayo nalang nga naka mane obra pa ang mga tanod ug maayong pagka igo sa likod nga bahin niini.
Sa wala madugay usab nasikop ang kauban niini nga si Wilboy Galon Pedi, taga brgy. Situbo, Tampilisan.
Sa pagkakaron balik na pag balhog sa balay bilangguan sa maong lungsod ug posible pa unya nga mo taas pa ang tuig nga ilang paga serbisyohan sulod sa bilangguan.
