Duha ka mga drug personalities nasikop sa mga operatiba sa CDEU samtang ang usa nakasibat!

46
Mga suspek nga gi-ingong nalambigit sa pagpamaligya sa iligal nga druga, nasikop sa mga operatiba sa CDEU. / Photo By: RadyoMaN Andy Coco

Nasikop sa mga operatiba sa City Drug Enforcement Unit kon CDEU ang duha ka mga drug personalities samtang nakasibat ang usa ka kauban.  Kini atol sa anti-illegal drug buy bust operation nga gilusad diha sa Adela Subd. sa Brgy. Camaman-an ning syudad sa Cagayan de Oro Lunes sa mga alas 6:00 ang takna sa gabie.

Naila ang mga dinakpan, usa ka lalaki nga 45 anyos nga si Emmanuel Jalagat, minyo kini nga usa ka technician ug nagpuyo sa nasangpit nga dapit ug ang usa ka babayi nga 37 anyos nga si Girlie Gallego, dalaga nga walay trabaho nga residenti sa Brgy. Carmen ning syudad.  Samtang nakasibat ang usa nila nga kauban ug padayong gipangita karon sa mga sakop sa CDEU ang nailang si Ian Co, hingkod ang panuigon nga residenti sa lungsod sa Opol sa lalawigan sa Misamis Oriental.

Naaresto ang mga suspek tungod sa pagpamaligya sa iligal nga druga kung diin nakuha gikan kanila ang buy bust item ug ang duha ka lain pang mga sachet sa gituhoang shabu.  Gibana-banang motimbang sa 0.5 grams ang tanang nakumpiskang kontrabando gikan sa mga suspek nga dunay estimated street market value nga kapin sa 3,000 pesos.  Nakuha usab gikan kanila ang 500 peso bill nga ginamit isip buy bust money.


Sa pagkakaron detinado na ang mga suspek sa Maharlika Detention Cell samtang giandam na sa raiding team ang kasong pagsupak sa R.A. 9165 nga ipasang-at sa korte batok kanila.

Kasama mo sa CDEU, RadyoMaN Andy Coco, DXCC Tatak RMN!

Facebook Comments